تجربتي والشروط اللازمة للتحويل الي هندسة عين شمس بعد إعدادي

  1. الرئيسية
  2. »
  3. شخصي
  4. »
  5. تجربتي والشروط اللازمة للتحويل الي هندسة عين شمس بعد إعدادي

تجربتي في التحويل من هندسة الزقازيق الي هندسة عين شمس ؛ تعرف علي التفاصيل .

السلام عليكم، اسمي محمد هعرض ليكم في التدوينة دي تجربتي في التحويل من كلية الهندسة جامعة الزقازيق الي كلية الهندسة جامعة عين شمس.
في البداية رغبتي في الالتحاق بجامعة عين شمس لما لها من هيبة ولما لكلية الهندسة خصوصا من شأن في التعليم الهندسي داخليا وخارجيا ، وكانت رغبتي في الالتحاق بها منذ الثانوية العامة إلا أن  التوزيع  الجغرافي وقف بيني وبين تحقيق هذا الهدف.
بعد ظهور نتيجة الثانوية العامة يكون لديك مجموعة من الجامعات القريبة من سكنك (توزيعك الجغرافي)، ويمكنك الاختيار بينها، حيثُ للاقرب منك الاولوية وهذا ما يتيحه موقع التنسيق.
فإن كنت مثلا من محافظة الشرقية وتريد الالتحاق بجامعة القاهرة او جامعة عين شمس فلا تسطيع ذلك، حيثُ أن لجامعة الزقازيق الاولوية، فأنت تعيش في نطاقها الجغرافي ثم تسطيع الاختيار بعدها الجامعة الاقرب لك وفي الغالب تكون جامعة بنها او المنصورة وتأتي بعد ذلك جامعة القاهرة وعين شمس.


وحينها لا تمتلك غير الالتحاق بالجامعة التي في نطاق توزيعك الجغرافي، وقبلت وقتها بجامعة الزقازيق او علي الاقل قبلت مؤقتاً، وبعد البحث علي الانترنت عرفت انه يمكني التحويل الي هندسة عين شمس بعد السنة الاعدادية ولكن بشروط . 
كما علمت ايضا انه كان يمكني ايضا التحويل بعد الثانوية العامة مباشرة ولكني علمت هذا مؤخراً بعد ان قابلت صديق قام بالتحويل الي هندسة عين شمس بدون ان يضطر بقضاء السنة الاعدادية في هندسة الزقازيق؛ ولكني كنت بالفعل حولت الي هندسة عين شمس والتحقت بقسم الهندسة الكهربائية فقد كان الصديق اصغر مني بعام .
والان اشرح لكم الشروط الواجبة للتحويل الي هندسة عين شمس من اي جامعة اخري او الي اي كلية اخري كالتحويل من طب بنها الي طب عين شمس.

ما هي شروط التحويل لهندسة عين شمس ؟ 

  1. يجب أن يكون الطالب المنقول إلى البرامج التخصصية الدقيقة مقيدا في النظام الرئيسي في جامعته.
  2. يجب أن يكون الطالب قد حصل على الثانوية العامة من مدرسة داخل النطاق الجغرافي لجامعة عين شمس.
  3. إذا لم يتحقق الشرط السابق يجب أن يكون محل إقامة الطالب يقع ضمن النطاق الجغرافي لجامعة عين شمس. يجب إثبات ذلك عن طريق بطاقة الرقم القومي للطالب ويجب أن تكون صادرة من أكثر من 12 شهراً.
  4. لا يسمح للطالب بتغيير محل إقامته إلى عنوان آخر خارج النطاق الجغرافي لجامعة عين شمس إلا بعد مرور 12 شهراً على القيد في كلية الهندسة بجامعة عين شمس.
  5. لا يسمح بتحويل الطلاب من جامعة أخرى داخل القاهرة الكبرى (القاهرة، شبرا، حلوان، المطرية).
  6. لا يسمح للطالب باستخدام المدينة الجامعية طالما أنه طوال فترة دراسته بكلية الهندسة بجامعة عين شمس.
  7. الحد الأقصى لعدد الطلاب المنقولين إلى المستوى الأول هو 5٪ من إجمالي عدد الطلاب في نفس المستوى بكلية الهندسة بجامعة عين شمس.
  8. يتم ترتيب طلبات الطلاب المتقدمين بالترتيب التنازلي بناء على درجاتهم في السنة الدراسية الأولى أو درجات السنة التحضيرية إذا كان هناك طالبين متساويين يتم الأخذ في الاعتبار درجات مرحلة الثانوية العامة.
  9. للانضمام إلى برنامج معين يجب أن تكون درجة الطالب أكبر من الحد الأدنى لدرجة هذا البرنامج بكلية الهندسة بجامعة عين شمس.
  10. يتم توزيع الطلاب بين البرامج المختلفة بناء على تنسيق خاص بشرط أن يكون الحد الأقصى لعدد الطلاب المنقولين أقل من 5٪ من إجمالي عدد الطلاب في نفس المستوى في هذا البرنامج.
  11. يحتفظ الطالب بأحقية التعليم المجاني طوال فترة دراسته بالبرنامج التخصصي الدقيق.

وباختصار يسمح للطلاب بعد اعدادي انهم يحولوا الي هندسة عين شمس شرط انهم : 


  • حاصلين علي تقدير جيد علي الاقل.
  • معاهم بطاقة محل اقامتهم فيا القاهرة والبطاقة مر علي تاريخ صدورها سنة علي الاقل ؛ التحويل بيكون في شهر 8 يعني البطاقة تكون معمولة قبل شهر 7 او 8 سنة قبل التحويل.

وبيتم التوجه الي جامعة عين شمس في شهر 8 لاتمام اجراءات التحويل ومعاك الاوراق دي : 

  • صورة من شهادة الثانوية العامة. 
  • بيان نجاح من الكلية بتاعتك وفيها بيان بدرجاتك والمقررات الدراسية.
  • بطاقتك وصور منها.
  • صورة من بطاقة والدك وخصوصا لو بطاقة والدك القاهرة.
لو بطاقتك لم يمر عليها سنة ممكن تعمل التماس وان شاء الله يتقبل؛  او لو بطاقة والدك القاهرة ومر عليها سنة هتاخدها معاك وهيقبلوا الطلب. 
فيه خدعة واخلي مسؤليتي منها قانونيا واخلاقيا : 
وهي ان بعض الطلبة التي لم يمر سنة علي بطاقتها كانت بتصور البطاقة بطريقة تظهر انها معمولة من اكتر من سنة وبيسلموها مع اوراق التحويل، ولكن الموظف المفروض انه بيشوف البطاقة والله اعلم كانت بتعدي ازاي ؟؟
المهم بعد التحويل ان شاء الله بيتم عمل مقاصة للمواد وبتشيل المواد اللي انت لم تدرسها في السنة الاعدادية وبتمتحنها السنة اللي بعديها مع التخلفات. 

وكدا اكون خلصت كل حاجه وان شاء الله قدرت افيدك ولو في اي اساله سيب كومنت وانا هرد عليك. 
Mobtakr
هل أعجبك المقال؟
قم بمشاركة المقال : هذه التدوينة تنتمي الي تصنيف :
هناك 11 تعليقًا
  1. بالنسبه للتحويل بعد الثانويه العامه قبل السنه الإعدادي ازاي بيتم وشكرا لك

    ردحذف
    الردود
    1. نفس الموضوع والاجراءات ، محتاجة بس بطاقة ويكون محل اقامتك فيها القاهرة ، وبعد نتيجة التنسيق هتروح مكتب التحويلات في جامعة عين شمس وتعمل تحويل .
      مكتب التحويلات موجود في المدينة الجامعية جمب الجامعة .
      أهم حاجة في الموضوع إن بطاقتك تكون القاهرة وياريت لو تكون بقالها سنة أو اكتر .
      واكيد بقي هتاخد معاكة شهادة الثانوية وشهادة الميلاد بتاعتك وصور لبطاقتك .

      حذف
  2. طيب لو بطاقتي ممرش عليها سنه وبطاقة والدي مش محل القاهره اصلاً هينفع التحويل ؟

    ردحذف
    الردود
    1. انا كنت زيك كده بطاقتي كان مر عليها 8 شهور، لكن بتعمل حاجة اسمها التماس وهما ان شاء الله بيقبلوا الطلب .
      تقريباً انت عايز تحول السنة الجاية!
      فشوف علي شهر 8 القادم بطاقتك هيكون مر عليها كام شهر لو اكتر من سنة يبقي انت استوفيت الشروط بس محتاج تقدير جيد علي الاقل .
      لكن لو لم يمر عليها سنة هتقدم التماس .
      تنوية بس !
      الشروط دي بتتغير كل سنة يعني ممكن اصلا السنة الجاية التحويل يكون شارط انك بطاقتك يكون مر عليها 6 شهور بس.
      فإنت لازم تتطلع علي الشروط لما تنزل غالبا في شهر 7 او بداية 8 .

      حذف
  3. معلش
    انا مش فاهم ايه اللي المفروض اعمله ف البطاقة أو معنديش فكرة اروح فين ؟؟

    ردحذف
    الردود
    1. البطاقة بيكون فيها العنوان بتاعك وبيكون مكتوب تحت اسمك.
      شوف بطاقتك دلوقتي، لو العنوان اللي مكتوب فيها مش موجود في القاهرة. فأنت محتاج تغير عنوانك لعوان موجود في القاهرة.
      فعشان تغير العنوان بتروح السجل المدني او قسم الشرطة في القاهرة او في المكان اللي هيبقى ده عنوانك في البطاقة.
      بس لازم يكون عندك شقة إيجار او تمليك عشان تقدر تغير عنوانك عليها.
      او ان يكون عندك قرايب في القاهرة وبطايقهم تكون القاهرة. فهتخلي حد من قرايبك اللي عنوانه في البطاقة القاهرة وتروح وتخليه يضمنك في السجل المدني او قسم الشرطة هو قريبك هيبقى عارف بيعمل البطاقة فين في المنطقة اللي عايش فيها.
      قريبك ده عشان تقدر تغير عنوان بطاقتك عليه لازم يكون درجة أولى زي اخوك او اختك وتقريبا ينفع عمك او خالك.
      بس يا عم الموضوع لازم انت تسأل اكتر فيه وتسعى لان لازم تغير العنوان في البطاقة في الاجارة الصغيرة قبل الترم التاني.
      وبالتوفيق.

      حذف
    2. بعد ازنك ممكن رقم الواتس بتاعك عايز اشكرك ي هندسة

      حذف
    3. العفو
      انا تحت امرك في اي وقت، رقم الواتس بتاعي مش هينفع احطه هنا .
      علي العموم انا سعيد ان المقال ده ساعدك سواء في فهم اجراءات التحويل او توضيح اي حاجة كانت غايبة عنك .
      وبالتوفيق...

      حذف
    4. طب معلش ي هندسة الفيس بوك بتاعك محتاجك ف حاجة تانية وتبقى جدع أوى يعنى

      حذف
    5. خلاص ي هندسة انا وصلتلك شكرا جدا يا حبيبي⁦❤️⁩

      حذف
    6. https://www.facebook.com/mjad218

      حذف

خدماتي علي خمسات